20 գիրք, որ անհրաժեշտ է կարդալ, քանի դեռ դրանք չեն էկրանավորել

newmag-ը ներկայացնում է 20 գիրք, որոնց սցենարներն արդեն կինոպրոդյուսերների ձեռքում են:


1. «Ծովափին» Իեն ՄքԷվան

Երիտասարդ զույգը նոր է ամուսնացել, բայց արդեն առաջին գիշերվա ընթացքում հայտնվում են տհաճ դրության մեջ: Էդուարդն ու Ֆլորենսն անկողնում հիշում են անցյալն ու անհանգստանում ապագայի համար:

Էկրանավորում: Սիրշա Ռոնանը`Ֆլորենս Պոնտինգի դերում, Բիլլի Հոուլը` Էդուարդո Մեյհյուի:

2. «Լուռ կինը» Ա. Ս. Ա. Հարիսըն

Սյուժեյի կենտրոնում ամուսնական զույգի հարաբերություններն են: Ամուսինը թաքցնում է ինտրիգներն, իսկ խորաթափանց կնոջ համար ամուսնությունը չափազանց թանկ է ամուսնուն անհավատարմության մեջ մեղադրելու համար: Բայց պատրանքը շուտով հօդս է ցնդում:

Էկրանավորում: Նիկոլ Քիդմանը ֆիլմի պրոդյուսերն է ու գլխավոր դերակատարը:

3. «Պատերազմից հետո» Րիդիան Բրուք

Երկրորդ աշխարհամարտից հետո Համբուրգն ավերակների մեջ է: Բրիտանական բանակի գնդապետը ստանձնում է քաղաքապետի պաշտոնը: Ընտանիքի հետ նա տեղափոխվում է մի շքեղ առանձնատուն, որտեղ ապրում է գերմանացի ճարտարապետն ու նրա դուստրը: Համատեղ ապրելու համար` երկու թշնամիները պետք է մոռանան արյունալի պատերազմի տարիները:

Էկրանավորում: Գնդապետի դերում` Ջեյսոն Քլարք, Կիրա նայթլի` նրա կինը, Ալեկսանդրա Սկարսգարդ – ճարտարապետ:

4. «Ո՞ւր ես կորել Բերնադետ» Մարիա Սեմփլ

Բերնադետի տարօրինակությունների վրա արդեն որևէ մեկն ուշադրություն չի դարձնում: Բայց մի օր նա անհետ կորում է: Քաղաքի բնակիչները կարծում են, թե Բերնադետը մահացել է, բայց նրա 15-ամյա դուստրն այդ վարկածին չի հավատում: Աղջնակը կանի ամեն բան մայրիկին գտնելու համար:

Էկրանավորում:  Բերնադետի դերում` Քեյթ Բլանշետ, ռեժիսոր` Ռիչարդ Լինքլայթեր:

5. «Ռոզիի ծրագիրը» Գրայեմ Սիմսըն

Դոն Թիլմանը փայլուն գիտնական է, բայց սիրո հարցում` դժբախտ: Նա չի կարողանում գտնել իր երկրորդ կեսին: Թիլմանը որոշում է հարցին գիտական լուծում տալ, բայց երբ հանդիպում է Ռոզիին, հասկանում է, որ սերը գիտական վերլուծության չի ենթարկվում:

Էկրանավորում:  Դերասանական կազմը հայտնի չէ:

6. «Սարդոստայն ընկած աղջիկը» Սթիգ Լարսըն, Դեյվիդ Լագերքրանզ

Վիշապի դաջվածքով աղջկա մասին տրիլոգիայի շարունակությունն է: Այս անգամ Լիզբեթ Սալադերն ու գրող Միքայել Բլումկվիստը պետք է միավորվեն հայտնի գիտնականի սպանությունը բացահայտելու համար:

Էկրանավորում: Ռունի Մարուին Լիսբեթ Սալանդերի դերում կփոխարինի Քլեր Ֆոյը: Ռեժիսորի դերում` Ֆեդերիկո Ալվարեսն է:

7. «Ամենահաջողակ աղջիկը» Ջեսիկա Նոլլ

Երիտասարդ ու հաջողակ լրագրող Թիֆանին պատրաստվում է հարսանիքի: Երջանկությունը տևում է այնքան ժամանակ, քանի դեռ դռան մոտ չեն հայտնվում լրագրողներ, որոնք գիտեն Թիֆանիի գաղտնիքը, որը շատ կյանքեր է խլել:

Էկրանավորում: Սցենար չկա, բայց հայտնի է, որ պրոդյուսերը Ռիզ ՈՒիզերսփունն է

8. «Կարմրակատարը» Դոննա Թարթ

Պատրա՞ստ եք վտանգել ձեր կյանքը հանուն արվեստի: Պատկերասրահում պայթյունից հետո երիտասարդ Տեո Դեքերը ստիպված է լինում կյանքի գնով փրկել նկարն ու մատանին:

Էկրանավորում: Ռեժիսոր` Ջոն Քրաուլի, Տեո` Էնսելյա Էլգորտա:

9. «Դյուն» Ֆրանկ Հերբերտ

Դասական գիտաֆանտաստիկ վեպ Արակիս տափաստանային մոլորակի համար պայքարի մասին:

Էկրանավորում: «Дюна» -ն արդեն էկրանավորել են 1986թ.-ին: Ֆիլմը լավ է ստացվել, բայց բոլոր իրադարձությունները 2 ժամանոց ֆիլմում տեղավորելը վատ գաղափար էր: 2000թ.-ին «Дюна» -ն դուրս եկավ մինի-սերիալի ձևաչափով: Այս անգամ գործն իր ձեռքը վերցրեց Դենի Վիլնյովը:

10. «Ճշմարիտ, խելագար, մեղավոր» Լայան Մարիարթի

Բարբեքյու-փարթիի ժամանակ միջադեպ է տեղի ունենում, որն ազդում է փարթիի բոլոր մասնակիցների հետագա ճակատագրի վրա:

Էկրանավորում: Նիքոլ Քիդմանն ու Ռիզ Ուիզերսփունը ֆիլմի պրոդյուսերներն են:

       11. «Ամուսնու գաղտնիքը»  Լայան Մարիարթի

Սիցիլիա Ֆիցպատրիկը գտնում է ամուսնու նամակը, որը նա խնդրել էր բացել իր մահից հետո: Իհարկե, կինը չի համբերում, նամակը բացում է մինչև նրա մահն ու շատ է զղջում արարքի համար:

Էկրանավորում: Գլխավոր դերակատար` Բլեյք Լայվլի:

12. «Հրեշը սպիտակ քաղաքում» Էրիկ Լարսըն

Հոմս մականունով առաջին սերիական մարդասպանի մասին է: Հոմսը Չիկագոյի հյուրանոցներից մեկում կառուցում է ստորգետնյա անձավներ: Հյուրանոցի շքեղ հարդարանքի շնորհիվ զբոսաշրջիկները ոչինչ չկասկածելով ընկնում են նրա թակարդը: Հանցագործն այնքան խորամանկ էր, որ ոստիկանությունը պատահաբար է հայտնաբերում թաքստոցը:

Էկրանավորում : Գլխավոր դերում` Լեոնարդո Դի Կապրիո, ռեժիսոր` Մարտին Սկորսեզե:

13. «Մահ Նեղոսում» Ագաթա Քրիստի

Նեղոսով ընթացքող շոգենավի վրա սպանում են հարուստ, երիտասարդ կնոջ: Հետաքննությունը  դժվարանում է, քանի որ նավի ուղևորներից շատերը ճանաչում էին կնոջն ու մեծ մասը նրան չէր համակրում: Թվում է` անելանելի իրավիճակ է, բայց `ո’չ Էրկյուլ Պուարոյի համար:

Էկրանավորում: Քեննեթ Բրանը ֆիլմի ռեժիսորն է:

14. «Սոխակը» Քրիստին Հաննա

Երիտասարդ Իզաբել Մորիակը ստիպված է լինում համալրել դիմադրության շարքերը Ֆրանսիան գերմանացի զավթիչներից ազատագրելու համար: Կնոջ քաջության ու կամքի ուժի մասին այս գացմունքային պատմությունը դարձել է 2015թ-ի բեսթսելլերներից մեկը:

Էկրանավորում: Ռեժիսոր` Միշել Մաք Լարեն: Նա աշխատել է «Գահերի խաղը», «Ավելի լավ է` զանգահարեք Սոլին», «Վայրի Արևմուտքի Աշխարհը», «Քայլով դիակներ» ֆիլմերի վրա:

15. «Քայլող քաոս» Պատրիկ Նեսս

Ֆանտաստիկ եռապատում Թոդ Հյուիտ անունով տղայի ու նրա խոսացող շան մասին: Նրանք շրջում են պատերազմը վերապրած աշխարհով: Հակամարտությունից հետո մոլորակի բնակչությունը վարակվել է Շումի վիրուսով, կանայք անհետացել են, իսկ տղամարդիկ սկսել են կարդալ միմյանց մտքերը:

Էկրանավորում:  Գլխավոր դերերում` Թոմ Հոլանդ և Դեյզի Ռիդլի:

16. «Որդին» Հյու Նեսբե

Սոննի Լոֆթհուզը համակերպվել է այն փաստի հետ, որ հայրն ինքնասպան է եղել: Տղան մի բանտից մյուսն է ընկնում, թմրամոլ է, անում է ամեն ինչ, որպեսզի կյանքի տևողությունը կրճատվի: Բայց, հանգամանքները փոխվում են, երբ պարզվում է, որ հորն իրականում սպանել են:

Էկրանավորում: Ռեժիսոր` Դենի Վիլնյով, գլխավոր դերում` Ջեյք Ջիլենհոլ:

17. «Խուլ հորձանուտում» Պաուլա Հաքինս

Ջուլսը վերադառնում է հայրենի քաղաք` քրոջը հողին հանձնելու և նրա դստերը որդեգրելու համար: Տանը նա հիշում է ծանր անցյալն ու փորձում է հասկանալ` ինչ է կատարվել իրականում:

Էկրանավորում: Դերասանական կազմի ու ռեժիսորի թեկնածությունների մասին տեղեկություն չկա:

18. «Ականատեսը» Ագաթա Քրիստի

Տաղանդավոր փաստաբանի մասին է, որը հարուստ ծեր կնոջ սպանության գործով հանդես է գալիս պաշտպանության կողմից: Միակ կասկածյալը ` նրա մոտ ընկեր Լեոնարդ Վոուլն է: Դրությունը բարդացնում է այն, որ ալիբի կարող է ապահովել միայն նրա կինը:

Էկրանավորում: Բեմադրող ռեժիսոր` Բեն Աֆլեկ

19. «Մութ անտառում» Ռութ Ուեյր

Ինչի մասին է գիրքը: Դպրոցն ավարտելուց հետո Նորան ընկերների հետ կապերը խզում է: 10 տարի անց նրան հրավիրում են ընկերուհիներից մեկի համար հարսանյաց հանդեսից առաջ կազմակերպած երեկոյին: Նորան հրավերն ընդունում է չիմանալով` ինչի կհանգեցնի անմեղ երեկոն:

Էկրանավորում: Պրոդյուսեր` Ռիզ ՈՒիզերսփուն:

20. «Դու մեղավոր չես» Ջենիֆեր Նիվըն

Երիտասարդական դրամա մահվան ու սիրո մասին: Թեոդոր Ֆինչն արդեն վաղուց ցանկանում է հրաժեշտ տալ կյանքին, բայց համարձակություն չունի այդ քայլն անելու համար: Մի օր նա փրկում է մի երիտասարդ աղջկա ու նրան օգնում է գտնել կյանքի իմաստը:

Էկրանավորում: Գլխավոր դերում ` Էլ Ֆանինգ

«Ի՞նչ կատարվեց». Հիլարի Քլինթոնը գիրք է գրել ընտրություններում իր պարտության մասին և մեղադրել բոլորին

April 18, 2018

10 գիրք շփոթեցնող սյուժեով, որոնցից կտրվելն անհնար է

April 18, 2018