Ներկայացնում ենք 7 գիրք, որոնց յուրօրինակությունը կոգեշնչի ձեզ, ինչու չէ, կստիպի մտածել նոր գաղափարների մասին ու գուցե մի օր էլ հենց ձեր գաղափարը Apple-ի կամ Google-ի պես փոխի աշխարհը: Այս գրքերը մտածել կտան էվոլուցիայի, աշխարհի ստեղծման և գլոբալ խնդիրների խելամիտ լուծումների մասին:
 «Երկուսի ուժը» Ջոշուա Շենկ
Միայնակ հանճարներ հազվադեպ են լինում: Փաստացի, ցանկացած կրեատիվ գաղափար ունենում է գործընկեր: Գրող Ջոշուա Շենկի «Երկուսի ուժը» գիրքը պատմում է հանճարեղ գործընկերների մասին` օրինակ բերելով Բիթլզ խմբի Ջոն Լենոնին ու Փոլ ՄքՔարթնիին, Apple-ի երկու Սթիվներին և South Park -ի Թրեյ Փարքերին ու Մեթթ Ստոունին: «Երկուսի ուժը» գիրքը գործընկերներ ունենալու և թիմային աշխատանքի արդյունավետության մասին է, այն կփոխի աշխարհի ու նորարարությունների մասին ձեր պատկերացումները: |
 «The Creator’s Code» Էմի Վիլկինսոն
Էմի Վիլկինսոնի վեպը` այն մասին, թե ինչպես խոսքը գործ դարձնել: 200 հարցազրույց` առաջատար ձեռնարկատերերի հետ` LinkedIn, eBay, Tesla Motors, Airbnb, PayPal, JetBlue և այլն: Ինչպես հաջողության հասնել երբ ձախողվելն այդքան հեշտ է: Գիրքը պատմում է կառուցողական մտածելակերպի, գաղափարն` իրականություն դարձնելու և աշխատանքի ոլորտում հաջողության հասնելու մասին: 6 հմտություն, որ ցանկացած ձեռներեց պետք է ունենա: Վիլկինսոնը գրքում հեղինակի 5 տարվա ուսումնասիրություններն են: |
 «Originals» Ադամ Գրանթ
Ադամ Գրանթսը աշխատել է Google, Goldman’s և Disney Pixar-ում: «Originals» գիրքում խոսում է ոչ ստանդարտ մտածելակերպի մասին: Գրանթն օգտակար ձեռնարկ է կազմել, որը սովորեցնում է կյանքի տարբեր բնագավառներում ինքնատիպությունը պահպանելու մեթոդների մասին: Սա գիրք է այն մասին, թե ինչ է պետք լավ գաղափարը իրականություն դարձնելու համար` չկորցնելով ինքնատիպությունը: |
 «59 վայրկյան» Ռիչարդ Ուայզմեն
Պրոբլեմները լուծելու համար միշտ չէ, որ միլիոնավոր դոլարներներն օգնում են: Հոգեբանական հետազոտություններն ու ժամանակակից տեխնոլոգիաները ցույց են տալիս, որ ցանկացած խնդիր ունի հեշտ լուծում: «59 վայրկյան»` ինչպես զարգացնել ստեղծարարությունը և հասնել` Էվրիկա գոչելուն: Ռիչարդ Ուայզմեննը համարվում է ներկայիս ամենահետաքրքիր ու զարգացած հոգեբանը: |
 «The Myths of Creativity» Դեյվիդ Բարքըս
Ինչն է մեզ դարձնում յուրօրինակ: Ինչպես զարգացնել գաղափարներն ու իրականություն դարձնել դրանք: Ինչն է մեզ օգնում տարբերվել մեր հասակակիցներից: Բոլոր հարցերի պատասխանները` Դեյվիդ Բարքըսի գրքում: «The Myths of Creativity»-ն այն ընթերցողների համար է, որոնք ունեն նոր գաղափարների պակաս Բարքըսը թղթակցել է Fast Company և Bloomberg Businessweek ամսագրերին: |
 «Որտեղ են ծնվում լավ մտքերը» Սթիվեն Ջոնսն
Տպագրիչ մեքենա, սովորական մատիտ, մարտոց և այլն. սրանք գաղափարներ էին, որոնք իրականություն դարձան ու փոխեցին մեր կյանքը: Սթիվըն Ջոնսընը պատմում է այն մասին, թե ինչպես ստեղծել գաղափարներ, որոնք կփոխեն աշխարհը: Դարվին, Ֆրոյդ մինչև Google և Apple Ջոնսընը բացահայտում է ինովացիոն հեղափոխության գաղտնիքները: «Որտեղ են ծնվում լավ մտքերը» գրքում գիտական փաստերի և անեկդոտների միջոցով, The Wall Street Journal, The NYT և The Financial Times ամսագրերի անդամ Սթիվըն Ջոնսընը ներկայացնում է տեխնոլոգիական աշխարհի հեղափոխությունը: |
 «Իրականություն դարձնելով գաղափարները» Սքոթ Բելսկի
Էդիսոնը մի անգամ ասել է` ոգեշնչումը հաջողության հասնելու 1%-ն է, մնացած 99%-ը` քրտնաջան աշխատանք: Բիզնեսի նոր գաղափարներ, գլոբալ խնդիրներ, գյուտեր, իհարկե, նոր մտքերը շատ են, ու գնալով ավելի են շատանում: Իսկ ով է դրանք իրականություն դարձնում: Թվարկելն ու ցուցակներ կազմելը հեշտ է, սակայն միայն մտածելով աշխարհում ոչինչ չես փոխի: Բնատուր ստեղծարար չեն լինում, այլ` դառնում են: Շատ աշխատանքի, աշխատասիրության ու ձգտելու շնորհիվ: Հմտությունները զարգացնել ու մարզել է պետք: Հենց դրա համար էլ Բելսկին ստեղծեց Behance կենտրոնը, որը ստեղծարար մարդկանց օգնում է զարգացնել ստեղծարար հմտությունները: |