Բրիտանական Arc Publications հրատարակչատունը անգլերեն հրատարակել է Ռազմիկ Դավոյանի «Ռեքվիեմ» պոեմը:
Ստեղծագործությունը Arc Publications-ի պատվերով թարգմանել է Արմինե Թամազյանը։
Հրատարակչատան խմբագիր Անջելա Ջարմենի խոսքով՝ իրենք Դավոյանի ստեղծագործությունների մի քանի թարգմանություն են տեսել ու հիացել:
«Մենք շատ տպավորվեցինք ու սիրեցինք դրանք: Եվ որոշեցինք, որ անպայման պիտի հրատարակենք այդ գործը»,-ասում է Անջելա Ջարմեն:
«Ռեքվիեմը» 50 տարի առաջ է գրվել։ Հրատարակիչներն ու հեղինակը վստահ են, որ թարգմանված «Ռեքվիեմը» աշխարհում ավելի ճանաչելի կդարձնի Հայոց պատմությունն ու Ցեղասպանությունը։ Գիրքը կարելի է ձեռք բերել՝պատվիրելով Arc Publications հրատարակչատան պաշտոնական կայքում: