Ինչպե՞ս դառնալ մոդել. թոփ 5 գրքեր նրանց համար, ովքեր երազում են պոդիումի մասին

Այս ցանկում ներկայացված են մոդելայնի աշխարհի մասին պատմող լավագույն գրքերը:


Հնգյակում իրարամերժ, գրավիչ ու դաժան պատմություններ են, որոնք կհետաքրքրեն  մոդելային աշխարհի սիրահարներին:

1. Model. The Ugly Business of Beautiful Women.  Michael Gross

Այս գիրքը կարդալով` ավելի հավանական է, որ պատկերացում կկազմեք մոդելային բիզնեսի պատմության, քան այսօրվա վիճակի մասին:

Գիրքը ավարտվում է Քեյթ Մոսսի հայտնությամբ: Մինչդեռ մենք գիտենք, որ մոդելային աշխարհը այս գեղեցկուհուց հետո բազմաթիվ նոր դեմքեր ու դեպքեր է տեսել: Թե՞ դեռ դա այդպես չէ:

Լրագրող Մայքլ Գրոսի այս գիրքը պատմում է, թե ինչպես է աշխատում բիզնեսաշխարհի ամենաուժեղ ու դաժան ոլորտներից մեկը:

2.Это подиум, детка!. Маша Царёва

Այս գիրքը կոգևորի բոլոր նրանց, ովքեր կարծում են, որ մոդելային  բիզնեսը իսկական հեքիաթ է ժամանակակից Մոխրոտի համար: Այս գիրքը թեթև, սուր և հիշարժան սիրային պատմություն է: Այն ձեզ կպատմի, թե ինչպես է իրականում անցնում մոսկովյան ժամանակակից մոխրոտների կյանքը:

3. Как стать успешной моделью. Игорь Мальков

«Ինչպե՞ս դառնալ հաջողակ մոդել»-սա հրաշալի ուղեցույց է, որը կօգնի միջազգային մոդելավորման բիզնես մտնել: Գրքում ամեն ինչ մանրամասն նկարագրված ու ներկայացված է: Մուտքը մոդելային աշխարհ ներկայացվում է քայլ առ քայլ: Այն օգտակար կլինի ոչ միայն ապագա մոդելների, այլև այն ծնողներին, որոնց երեխաները պատրաստվում են մտնել ֆեշն-աշխարհ:

4.Модельный бизнес по-русски. Владислав Метревели

Ռուսական մոդելային բիզնեսի հիմնադիրներից մեկը` Վլադիսլավ Մեթրվելին, այս գրքում ներկայացնում է իր մոդելային կյանքի լավագույն տասնամյակը` 1995-ից 2005 թվականները: Այս ժամանակաշրջանը մոդելային աշխարհում նոր հույսերի, սպասումների ու ծրագրերի մասին է, որտեղ գեղեցիկ նկարը ավելի կարևոր էր, քան դրա դիմաց ստացած հոնորարը: Համենայնդեպս հեղինակը այդպես է ներկայացնում:

5.Недостаточно худая. Дневник топ-модели. Виктуар Доксер

Շատ օգտակար է կարդալ մոդելային բիզնեսի բացասական կողմի մասին: Սա գիրք է, որը պատմում է կատաղի մրցակցության, գործակալությունների անհավատալի պահանջների, կանացի մարմնի  հանդեպ գերբնական վերաբերմունքի մասին: Դրա պատճառով մոդելները միշտ շատ դաժան ու տանջալից դիետաներ են պահում, դառնում են նյարդայն ու ընկճված:

Դժբախտաբար, այս ամենը գեղարվեստական ու մտացածին ​​չէ: Սա իրական պատմություն է, որը պատմում է, 17 տարեկանում մոդելային հայտնի ցուցադրությունների մասնակցած գրքի հեղինակը:

 

Արփի Մուրադյան

5 փաստ Արթուր Կոնան Դոյլի մասին

November 23, 2019

Լավ տեղավորվեք. 6 գրքեր, որոնք հեղինակները գրել են բանտում

November 23, 2019