Ես ուզում էի խոսել Հայոց ցեղասպանության մասին և կիսել այդ ցավը. թուրք գրող Էլիֆ Շաֆակ

Էլիֆ Շաֆակը ծնվել է Ֆրանսիայում, դիվանագետների ընտանիքում: Ծնողների ամուսնալուծությունից հետո Էլիֆ Շաֆակը մնաց մոր հետ, սկզբում բնակվում էին Իսպանիայում և Հորդանանում, ապա տեղափոխվեցին Թուրքիա:

Գրողը ավարտել է Անկարայի տեխնիկական համալսարանը, պաշտպանել է թեզ փիլիսոփայության վերաբերյալ: Այսօր գրողն ապրում է Թուրքիայում:

Թուրքիան այսօր առաջատար երկրներից է աշխարհում բանտարկված լրագրողների թվով.  Էլիֆ Շաֆակ

Աշխարհահռչակ գրողին 2006 թ. դատապարտեցին «թուրքերին վիրավորելու» մեղադրանքով, քանի որ իր «The Bastard of Istanbul» վեպի հերոսներից մեկը 1915թ հայերի զանգվածային սպանությունը որակեց Ցեղասպանություն: Հետագայում Շաֆակը արդարացվեց:

Ես գրել էի ազգային փոքրամասնությունների մասին և ուզում էի ուշադրություն հրավիրել անցյալ դարի անբացատրելի ողբերգությանը, պատմել հայերի ցեղասպանության մասին, կիսել ցավը և փորձել կամուրջներ կառուցել. Էլիֆ Շաֆակ

Ֆլորենցիայի Ռիֆրեդի թատրոնը (Teatro di Rifredi), որը համարվել է մշակույթի կարևորագույն պատմական կենտրոններից մեկը, անցկացրեց պիեսի փակ պրեմիերան:

Այս աշխատանքը պատմում է 90 տարվա կապի՝ Ստամբուլ-Սան Ֆրանցիսկո՝ թուրքական մահմեդական ընտանիքի և հայ-ամերիկյան Չակմակչյանների ընտանիքի մասին (արմատներ Թուրքիայից): Գրքում երկու հասարակություններին ներկայացնում է շփումը հայերի ցեղասպանության թեմայի վերաբերյալ:

Թատրոնի ղեկավար Անժելո Սավելը նշում է, որ իրենք դժվարությամբ են ստացել Էլիֆ Շաֆակի համաձայնությունը`աշխատանքը բեմ բարձրացնելու համար, նրանք շուրջ 2 տարի բանակցել են: Նա շեշտեց նաև, որ «The Bastard of Istanbul» վեպը շատ է դուր եկել իրեն:

Մի խումբ մարդիկ փողոցում այրեցին ԵՄ դրոշը և թքեցին իմ լուսանկարների վրա: Չնայած դատարանում ինձ արդարացրին, բայց շատ ծանր ժամանակներ էին: Ես ստիպված էի ամբողջ օրը մնալ իմ թիկնապահի հետ. Էլիֆ Շաֆակ

Նշենք, որ թուրք գրող Էլիֆ Շաֆակի նոր վեպը «10 minute 38 seconds in this strange world» այս տարի առաջադրվում է հեղինակավոր Booker մրցանակին: Վեպի գլխավոր հերոսը ՝ Շաֆակը, պատմում է իր կյանքի պատմությունը՝ մահանալով Ստամբուլում՝ աղբարկղի մեջ: 2019թ-ի մրցույթի հաղթողը կհրապարակվի հոկտեմբերի 14-ին:

Գրողը իր Twitter- ում գրել էր, որ զարմացել է, երբ իմացել է, որ առաջադրվել է մրցույթին:

«Իմ վեպերում ես գրում եմ բարդ թեմաների մասին, ներառյալ սեռական ոտնձգությունների, բռնաբարության և դաստիարակության, քանի որ դրանք Թուրքիայի հիմնական խնդիրներն են, և վիպասանները չպետք է աչք փակեն այս հարցում», – գրողը այս մասին պատմել է Ahval –ին:

Աղբյուրը՝ https://radiovan.fm/station/article/11869

Թարգմանությունը՝ Ալլա Դավթյանի