Երբ Մայնում հայտնված The Portland Press Herald- ը ֆինանսական դժվարություններ ունեցավ, գրողի առնվազն 100 երկրպագու բաժանորդագրվեցին հրատարակության էլեկտրոնային տարբերակին:
Գրող Սթիվեն Քինգը օգնեց իր հայրենի Մայն նահանգի Portland Press Herald թերթին ՝ պահպանել մի սյունակ, որտեղ գրախոսականներ էին տեղադրում:
Ուրբաթ օրը Քինգը Twitter-ի իր էջում հետևորդների ուշադրությունը հրավիրել էր այն փաստի վրա, որ թերթն ունի ֆինանսական դժվարություններ և այլևս մտադրություն չունի հրապարակել անկախ գրողների գրված գրքերի ակնարկները, որոնք նկարագրում են Մեյնի նահանգը: Գրողը իր երկրպագուներին կոչ է արել ընդհանուր կոչով դիմել The Portland Press Herald- ի խմբագիրներին ՝ պահպանելու այդ սյունակը: Քինգը Twitter-ում ունի ավելի քան 5 միլիոն հետևորդ:
Թերթը պատասխանել է գրողի կոչին. նշել է, որ ֆինանսական լուրջ խնդիրներ ունեն: Թերթի ներկայացուցիչները Twitter-ում հայտնել են, որ պատրաստ են սյունակը պահել, եթե Քինգի հետևորդներից առնվազն 100-ը բաժանորդագրվեն հրապարակման էլեկտրոնային տարբերակին:
Մեկ օր անց The Portland Press Herald-ը հայտարարեց, որ արդեն հասել են նպատակին:Բաժանորդագրվել էին ավելի քան 100 հետևորդ, բայց ստույգ թիվը չէր նշվում:
- Սթիվեն Քինգը ավելի քան 50 վեպերի հեղինակ է, որոնք վաճառվել են մոտ 350 միլիոն օրինակով: Նրա առաջին վեպը `«Carrie» հայտնվել է 1970-ականների կեսերին, որին հաջորդել է «The Shining» վեպը, որն էլ իրեն բերել է մեծ համբավ: Հետո նրա վեպերը լույս տեսան Ռիչարդ Բախման կեղծանունով. «Rage», «The Long Walk», «Roadwork» և «The Running Man» 1982-ին նա հրատարակել է «The Dark Tower: The Gunslinger»-ը, որը առաջինն է ութ «The Dark Tower» վեպերի շարքից: 2003-ին նրան շնորհվել է «Գրքի ազգային հիմնադրամ»-ի մեդալ ՝ ամերիկյան գրականության մեջ առանձնահատուկ ներդրման համար, իսկ 2014-ին արժանացել է «Արվեստի նվաճումների ազգային մեդալ»-ի: 2018 թվականի հունվարին հայտարարվեց, որ PEN America հասարակական կազմակերպությունը Քինգին պարգևատրել է «Գրական գործունեության համար» մրցանակով:
Ալլա Դավթյան