Գրքասերները սովորաբար գրկաբաց չեն ընդունում իրենց սիրելի գրքերի էկրանավորումները:
Հայտնի է, որ լավագույն գրքերը շատ դժվար են էկրանավորել: Բայց այնուհանդերձ կան հաճելի բացառություններ: Մենք առանձնացրել ենք այն գրքերը, որոնց հիման վրա նկարահանված ֆիլմերը արժանացել են Օսկարի:
1.Միլիոնատերը հետնախորշերից (2008)
Ծնողազուրկ Դժամալ Մալիկը մասնակցում է «Ով է ուզում դառնալ միլիոնատեր» հեռուստաշոուին և կարողանում է մեկը մյուսի հետևից հաղթահարել բարդ հարցերը:
Բոլորին սկսում է հետաքրքրել, թե ինչպես է ստացվել, որ հետնախորշերում ապրող երեխան ունի գիտելիքների այդպիսի մեծ պաշար: Փոքրիկ հերոսը ստիպված է ամեն ինչ բացատրել ու ոստիկանությանը պատմել իր կյանքի բոլոր մանրամասները:
Ֆիլմը նկարահանվել է Վիկաս Սվարուպի «Հարց – պատասխան» վեպի հիման վրա: Գիրքը ավելի դրամատիկ է, քան ֆիլմը, որ ներկայացնում է Բոլիվուդը, բայց միևնույնն է հետաքրքիր է:
2.Մատանիների տիրակալը. Թագավորի վերադարձը (2003)
Այս սագայի երրորդ մասում հերոսները իրենց ուսերի վրա են վերցրել Միջին երկրի փրկության բեռը: Գրքի հիման վրա նկարահանված ֆիլմը համաշխարհային ճանաչում բերեց այն ստեղծողներին: Ռեժիսոր Պիտեր Ջեկսոնը ստացավ Օսկար Ջոն Թոլքինի գլուխգործոցը էկրանավորելու համար:
3. Սա ծերերի տեղը չէ (2007)
Սա Քոեն եղբայրների ցնցող կրիմինալ դրաման է: Այն հիմնված է Մաքքարտիի նույնքան հետաքրքիր՝ «Սա ծերուկները տեղը չէ» վեպի վրա: Պատմությունը սկսվում է դրվագով, թե ինչպես է սովորական մեկը լեռան գլխին գտնում դիակներ, հերոինով լիքը բեռնատար և 2 միլիոն դոլար: Նա որոշում է գումարը վերցնել … մնացածը պատկերացրեք ինքներդ: Բայց ավելի լավ է դիտել ֆիլմը, կամ կարդալ գիրքը:
4.Ֆորեսթ Գամփ (1994)
Սա Ֆորեսթ Գամփ անունով մի տղայի պատմություն է, որը ապրել է հետաքրքիր կյանքով, երբեք չի փոխվել, չի փոխել նաև իր երազանքներն ու սերը:
Ֆիլմում գլխավոր հերոսին մարմնավորել է Թոմ Հենքսը: Նրան հաջողվել է այնպես անել, որ հեռուստադիտողը աշխարհին նայի Ֆորեսթ Գամփի աչքերով: Սա ֆիլմ է, որը մեզ դարձնում է ավելի լավը: Հետաքրքիր է այն, որ վեպը այնքան պոպուլյար չէ, որքան դրա էկրանավորումը:
5.Շինդլերի ցուցակը (1993)
Սա ֆիլմ է Հոլոքոստի սարսափների, մարդկային հոգու խորության ու մարդու ազնվութան մասին:
Շինդլերի ցուցակը պատմություն է, որը ևս մեկ անգամ ապացուցում է, եթե անգամ մարդը չի կարող փոխել աշխարհը, կարող է այն դարձնել ավելի լավը: Պատմության հիմքում իրական դեպքեր ու դեմքեր են: Ֆիլմը ներկայացնում է Օսկար Շինդլերի կյանքի պատմությունը: Նա որպես նացիստական կուսակցության անդամ, Երկրորդ աշխարհամարտի տարիներին համակենտրոնացման ճամբարից փրկեց ավելի քան հազար հրեայի կյանք:
6. Գառների լռությունը (1990)
Կինոյի պատմության ամենատպավորիչ աշխատանքներից մեկն է: Այն պատմում է հոգեբույժ Հանիբալի մասին, որը բանտարկված է սպանության ու հանիբալիզմի համար: Դեպքերը այնպիսի ընթացք են ունենում, որ պարզվում է՝ միայն հանիբալ հոգեբույժը կարող է օգնել բացահայտել երիտասարդ կանանց սպանող մոլագարին:
Հոգեբույժի ու գործակալ Կլարիսի հարաբերությունները անցնում են գիտակցական բոլոր սահմանները: Ֆիլմը նկարահանվել է Թոմաս Հարիսի «Գառների լռությունը» աներևակայելի հուզիչ վեպի վրա:
Արփի Մուրադյան