Բրիտանական դատարանը Դարրիեն Բարրի դատապարտել է 2 տարի 1 ամիս ժամկետով բանտարկության:
Բանտարկության պատճառն այն է, որ 28-ամյա երիտասարդը մոտ մեկ տարում Էդինբուրգի գրադարաններից գողացել ու վաճառել է 7 հազարից ավել գիրք:
Այս մասին հայտնում է The Guardian-ը: Ըստ պարբերականի տվյալների՝ երիտասարդը գողացել է գրքերն ու օնլայն վաճառել: Դատարանի տվյալների համաձայն՝ Բարրը գրքերի վաճառքից ունեցել է 30. 450 ֆունտ եկամուտ:
Բարրը գրքագողության իր «արշավանքը» սկսել է 2017 թվականին՝ Էդինբուրգի համալսարանների 3 գրադարաններից: Քանի որ նա ոչ մի համալսարանի ուսանող չէր, ստիպված էր համալսարանական գրադարան մտնել հատուկ՝ այցելուի տոմսով:
Համալսարանների տեսախցիկները ֆիքսել են, թե ինչպես է Բարրը գրադարան մտնում սպորտային մեծ պայուսակով ու դուրս գալիս այն ակնհայտորեն գրքերով բեռնած:
Նապիերի համալսարանի ներկայացուցչի խոսքով՝ գողը համալսարանից ոչ մի արժեքավոր բան չի գողացել, նրան հիմնականում հետաքրքրել են բուժքույրական գործին, կրիմինալիստիկային, մարքեթինգին, տնտեսությանն ու կադրային քաղաքականությանը վերաբերող գրքեր: