Դինա Ռուբինայի մեծ տատիկի երակներով հոսում էր գնչուի արյուն: Այդ պատճառով էլ գրողը անեծքին ու գուշակությանը լուրջ է վերաբերվում:
Գրող Դինա Ռուբինան գնչուներին վերաբերվում է հարգանքով՝ նրանք գրողի գործերում մեծ տեղ ունեն: Հեղինակն ունի անգամ մի ժողովածու, որը կոչվում է «Գնչուհին»:
Նրանք, ովքեր ծանոթ են Ռուբինայի գրչին, գիտեն, որ նա սիրում է ակտիվ, կյանքով լեցուն կերպարներ՝ անկախ նրանից՝ հերոսները գնչուներ են, թե խամաճիկներ: Հեղինակը, որ ունի գնչուական արմատներ, շատ վարպետորեն է կերտում գնչուհիների կերպարներ:
Իր բազմաթիվ հարցազրույցներում Ռուբինան խոստովանել է, որ հավատում է գնչուական անեծքին ու նմանատիպ բաների հետ կատակ չի անում: Գրողը պատմել է, որ ունի նաև ուժեղ ինտուիցիա, և կանխազգում է գալիք իրադարձությունները:
Նա միանշանակ ունի գերբնական ուժերի հետ կապ: Ռուբինան հիշում է, որ երիտասարդության տարիներին բազմաթիվ տեսիլքներ է ունեցել: Մի անգամ ֆիզիկայի դասաժամին երիտասարդ Դինան ընկել է մտորումների մեջ. «թռել է պատուհանից և շրջվել մարզադաշտի վրայով»: Դինա Ռուբինայի կյանքում միջին դպրոցում տարօրինակ դեպքերը ավելի շատ են եղել:
Արփի Մուրադյան