10 պատճառ թե ինչո՞ւ կարդալ ամեն օր

Վերջին անգամ ե՞րբ եք գիրք կարդացել: Եթե այն շատ մարդկանցից եք, ով տարին մեկ է գիրք կարդում, ապա այս տասնյակը ձեզ համար է: Գրքերից շատ բան կարելի է սովորելիսկ թե ի՞նչ. ներկայացնում ենք ստորև.

1. Մտավոր ստիմուլյացիա կամ ոգեշնչում

Ակտիվությունն ու ոգեշնչումը ուղղակիորեն ազդում են ուղեղի վրա` այն ավելի ուժեղ դարձնում: Ինչպես մարմնի մնացած մկանները, ուղեղը նույնպես մարզումների կարիք ունի: Գլուխկոտրուկներն ու հանելուկները մարզում են ուղեղն՝ պահելով այն մշտապես առողջ և ուժեղ կարգավիճակում: Առողջ դատելու համար՝ շատ կարդացեք:
2. Սթրեսի նվազում

Աշխատանքի վայրում ծանրաբեռնվածությունը, անձնական հարաբերություններում խառնաշփոթն ու ամենօրյա խնդիրները դառնում են սթրեսի պատճառ: Երբևե մտածե՞լ եք, որ գիրք կարդալով կմոռանաք այդ ամենի մասին: Կարող եք: Գիրք կարդալը կօգնի տեղափոխվել մեկ ուրիշ աշխարհ` մոռանալով ներկայի խնդիրները: Հարմարավետ սենյակում, առանց հեռուստացույցի խշշոցի և սոց ցանցերում անվերջ թափառումների, դուք կլիցքաթափվեք և կմոռանաք աշխատանքի վայրում կիսատ թողած գործերը: Խնդիրներից ազատվելու համար գրքեր կարդացեք:

3. Գիտելիք, գիտելիք և էլի գիտելիք

Ամեն օր գիրք կարդալով  ուղեղը նոր ինֆորմացիա է ընկալում. չեք կարող ասել, թե երբ այն պետք կգա: Խելացի մարդիկ ցանկացած իրավիճակում կարողանում են ճիշտ կողմնորոշվել: Ահա թե ինչ է պետք հիշել ծանր պահերին. աշխատանքը, փողը, անգամ առողջությունն անցողիկ բաներ են: Միայն գիտելիքն է մնայուն:

4. Բառապաշարի զարգացումՈրքան շատ եք կարդում, այնքան նոր բառեր եք սովորում. դրանք աստիճանաբար դառնում են ձեր ամենօրյա բառապաշարի մի մասը: Արտահայտիչ և բովանդակալից խոսքը կարևոր է ցանկացած մասնագիտությունում: Գեղեցիկ խոսքի հիմքում՝ հարուստ բառապաշարն ու ճշգրիտ խոսելաոճն է: Գիրք կարդալով  հեշտ է նոր լեզու սովորել: օտարալեզու բնագրեր կարդալով կարելի է մեծ բառապաշար հավաքել: 
 5. Հիշողության կատարելագործումԳիրք կարդալիս տպավորվում են գրքի հերոսները, նրանց ապրելակերպը, կյանքի պատմությունը և  մի շարք այլ մանրուքներ: Մեր ուղեղը ցանկացած նոր ինֆորմացիա կարող է հեշտությամբ ֆիքսել: Հետաքրքիր է, որ նոր ինֆորմացիա ստանալիս, հիշողության մեջ արդեն պահպանված հին ինֆորմացիան ընդլայնվում է, փոխարենը տարածք է ստեղծում՝ նոր, թարմ տեղեկություններ «պահեստավորելու» համար:

6. Վերլուծական մտածելակերպԵրբևե կարդացել եք առեղծվածային պատմություններով գիրք, և կեսն էլ չկարդացած արդեն գուշակել առեղծվածը: Վերլուծական մտածելակերպ ձևավորելու համար հարկավոր է ուշադրություն դարձնել ամենափոքր մանրուքներին: Հաճախ պարզ թվացող հասարակ բառն իր մեջ կարող է թաքնված ուղերձ կամ հուշում պարունակել: Ուշադիր եղեք բառերին, կարդացածը վերապատմեք հատվածներով և նշեք կարևոր նախադասություններն ու բառերը: Այդպես հետաքրքիր և արդյունավետ ժամանակ կանցկացնեք:
7. Կենտրոնացեք և լարեք ուշադրությունը

Ինտերնետացված աշխարհում մեր ուշադրությունը հեշտ է շեղել: Միջինը 5 րոպեում մարդիկ աչքի են անցկացնում գործնական պլանները, ստուգում են էլ.փոստը, չաթով զրուցում են ընկերների հետ, աչքի պոչով հետևում ֆեյսբուքյան իրադարձություններին, աշխատակիցների հետ գործեր քննարկում և օգտագործում սմարթֆոնային հավելվածներ: ԸՆԴԱՄԵՆԸ 5 ՐՈՊԵՈՒՄ: Նմանատիպ 5 րոպեանոց խառնաշփոթները սթրեսի պատճառ են դառնում: Գիրք կարդալիս ամբողջ ուշադրությունը կենտրոնանում է գրքի վրա: Աշխատանքից առաջ 15-20 րոպե կարդալով, ավելի ուշադիր կլինեք ողջ աշխատանքային օրվա ընթացքում: 

8. Գրելու հմտություններԱմենօրյա ընթերցանությամբ կզարգացնեք ստեղծագործական հմտությունները: Գրողների  բառապաշարը, գրելաոճը, բառային հնարքները կնպաստեն ձեր՝ ավելի ճշգրիտ կառուցված տեքստեր գրելուն: Գրողները զարգացնում են իրենց գրական հմտությունները՝ կարդալով մեկը մյուսի գրքերը:
9. Հոգու խաղաղություն

Լավ գրքերը ոչ միայն ֆիզիկական թեթևություն են պարգևում, այլև օգնում են հոգու ներսում խաղաղության հաստատմանը: Հոգևոր տեքստեր կարդալը կարող է նվազեցնել արյան ճնշումը: Հոգեբանական գրքերը օգնում են բուժել մտավոր հիվանդություններն ու բարձրացնել տրամադրությունը:

10. Անվճար և հասանելիԳրադարաններն անվճար ժամանցի վառ օրինակ են: Ցանկացած գրքասերի համար գրադարանն ամենաժամանցային վայրն է: Ամենուր գրքեր և միայն գրքեր: Էլ ի՞նչ է պետք ընթերցասեր մարդուն՝ ժամանակը հետաքրքիր տնօրինելու համար:

 

 

 

 

 

 

 

 

 

Հենց հիմա, անջատիր համակարգիչդ, վերցրու որևէ գիրք ու կարդա: 

6 վեպ ավելի ինքնավստահ ու լավատես դառնալու մասին

March 7, 2018

Բարաք Օբամայի սիրելի գիրքը Միշել Օբամայի «Դառնալով» բեսթսելլերն է

March 7, 2018