«Արի» գրականության հիմնադրամը մայիսի 18-ին հանդիպում անցկացրեց հրատարակիչների, գրողների, թարգմանիչների հետ: Քննարկվեց գրահրատարակչության ապագան:
Մասնակիցների կարծիքով, առաջնային խնդիրը գրողի ֆինանսական վիճակն է. նա չի կարողանում ստեղծագործական աշխատանքով փող վաստակել: Մասնակիցներն առաջարկեցին ստեղծել մրցութային կարգով գործող կրթաթոշակային և դրամաշնորհային ծրագրեր, որոնք գրողներին, թարգմանիչներին ու գրաքննադատներին կօգնեն ստեղծագործել և վարձատրվել իրենց նյութերի հրապարակման համար:
Գրողներն ընդգծեցին հայերենից այլ լեզուներ թարգմանիչների բացակայությունը: Առաջարկվեց Սփյուռքի նախարարության հետ համագործակցելով կազմակերպել վերապատրաստական դասընթացներ` այլ լեզուներով թարգանիչների համար:
Մասնագետների կարծիքով, հայ գրողներին ու գրականությունը Հայաստանից դուրս ներկայացնելու համար պետք են տարալեզու տեղեկատվական հարթակներ: Հրատարակիչներն առաջարկեցին արտոնյալ պայմաններ ստեղծել գրքի բիզնեսի համար և վերացնել ԱԱՀ-ն: