Գրքեր, որոնք կարող էին այլ կերպ կոչվել 

Ի՞նչ վերնագրեր են մտածել հայտնի գրողները իրենց հայտնի ստեղծագործությունները անվանելու համար:

Երբեմն գրքի համար ավելի դժվար է եղել վերնագիր ընտրելը, քան այդ գիրքը գրելը: Պարզվում է` մեզ հայտնի շատ ստեղծագործություններ ի սկզբանե այլ վերնագրեր են ունեցել: Մենք առանձնացրել ենք ռուս դասականների մի քանի գործեր, որոնք այսօր կարող էին այլ կերպ կոչվել:

• Ալեքսանդր Պուշկին – «Պետրոս Մեծի Արապը» ( «Арап Петра Великого») 

«Պետրոս Մեծի Արապը»  արձակում Պուշկինի առաջին մեծ փորձն է: Անավարտ վեպը նվիրված է գրողի մեծ հայրիկին` Աբրահամ (Իբրահիմ) Պետրովիչ Հանիբալին: Պուշկինը ինքը երբեք իր գործերին անուն չի տվել: 1828 թվականի գարնանը Պուշկինը վեպից հատվածներ կարդաց Պետերբուրգում գտնվող իր ընկերների համար: Այդ հատվածները տպվեցին թերթերում, այնուհետև «Երկու գլուխ պատմական վեպից:

1. Պիտեր I- ին արքունիքի հավաքույթները:

2. Ճաշ ռուս բոյարի մոտ» խորագրով ներառվեց Ալեքսանդր Պուշկինի` հեքիաթներ ժողովածուում (1834) :

«Պետրոս Մեծի Արապ» խմբագրական անվանումը  ստեղծագործությունը ստացել է, երբ լույս է տեսել 1837 թվականին:

• Իվան Տուրգենև – «Ռուդին» («Рудин»)  

Իր առաջին վեպը Տուրգենևը գրել է 1855 թվականին:

Սկզբում գրողը նախատեսում էր այս ստեղծագործությունը անվանել բառակապակցությամբ` «Հանճարեղ էություն» («Гениальная натура»): Հանճարեղություն ասելով գրողը հասկանում էր կրթությունը, բազմակողմանի զարգացվածությունը, մարդկանց համոզելու և լուսավորելու կարողությունը: Էություն բառը այստեղ գործածելով` Տուրգենևը նկատի ուներ  կամքի ամրությունը, և հստակ վերաբերմունքը հասարակական տարբեր խնդիրների հանդեպ:

Բայց գիրքը գրելու ընթացքում այս վերնագիրը սկսեց չգոհացնել հեղինակին:

Գլխավոր հերոսի` Ռուդինի մոտ կամքի ուժը պրակտիկ գործել համար չհերիքեց, թեև նա հանճարեղության պակաս չուներ:

• Ֆեդոր Դոստոևսկի – «Հանցանք և պատիժ» («Преступление и наказание») 

Սկզբում Դոստոևսկին ուզում էր պատմություն գրել Մարմելադովյան ընտանիքի մասին և պատրաստվում էր այն անվանել «Խմածները»: Բայց գրելիս հեղինակը մտափոխվեց: Պատմության գլխավոր հերոսը դարձավ Ռոդիոն Ռասկոլնիկովը, գիրքն էլ ստացավ բոլորին հայտնի վերնագիրը:

• Լև Տոլստոյ – «Պատերազմ և խաղաղություն» («Война и мир») 

Իր հայտնի վեպը Տոլստոյը գրել է 6 տարի՝ 1863-ից 1869 թվականներին:

Վեպի գաղափարը առաջացել էր ավելի շուտ, բայց հեղինակը այն սկսեց գրել ավելի ուշ: Դեռ 1856-ին Տոլստոյը սկսել էր գրել մի պատմություն, «որի հերոսը պետք է լիներ Դեկաբրիստը, որը ընտանիքի հետ վերադարձել էր Ռուսաստան: Բայց 1861-ի սկզբին Տոլստոյը կարդում է Տուրգենևի  «Դեկաբրիստները» ու մի քանի անգամ վեպ գրելու պրոցեսը հետաձգվում է՝ մինչև կստեղծվեր «Պատերազմ և խաղաղություն»-ը:

«Պատերազմ և խաղաղություն» վեպը հրատարակվել է մի քանի անգամ՝ տարբեր անուններով:

Վեպը, օրինակ, ունեցել է «Լավ է, երբ ամեն ինչ լավ է ավարտվում», «1805 թվական» անվանումները:

Արփի Մուրադյան