Շապիկի դարձերես
Թերթել

Գաղտնավայր

Rated 4.00 out of 5 based on 1 customer rating
(1 customer review)

Ամիսներ շարունակ դպրոցական տղայի սպանության առեղծվածը մնում էր չբացահայտված: Մեկ տարի առաջ, հարակից «Աղջիկների դպրոց»-ի բակում գտնում են սպանված տղայի մարմինը: Գործը վարող քննիչը պատկերացում անգամ չուներ, որ դպրոցում սովորող աղջիկները կարող են ավելի վտանգավոր լինել, քան ամենասարսափելի մարդասպանը: Առանց այդ ամենը կանխատեսելու նա հայտնվում է վտանգավոր լաբիրինթոսում, որից դուրս գալն այդքան էլ հեշտ չէ: Թանա Ֆրենչի առեղծվածային դրաման կստիպի ձեզ պինդ փակել սենյակի դուռը, միացնել լույսն ու 600 էջանոց վեպը կարդալ մի քանի ժամում:

Bestseller ռեվյու

Մի անգամ աղջիկների դպրոցում հայտարարությունների պատին հայտնվում է հարևան՝ տղաների դպրոցից մի ժպտացող տղայի լուսանկար: Տղայի դեմքի վրա կտրտած տառերով գրված էր՝ «Ես գիտեմ՝ ով է նրան սպանել»: Կրիսին սպանել էին մոտ մեկ տարի առաջ, նրա մարմինը գտել էին աղջիկների դպրոցին կից խոտածածկ տարածքում: Թե ինչպե՞ս էր նա հայտնվել այնտեղ, կամ ո՞ւմ էր հանդիպել ոչ ոք չգիտի: Մարդասպանը շարունակում է անհայտ մնալ: Սակայն, սպանության գործն այլ ընթացք է ստանում երբ ոստիկանության բաժանմունք է գալիս 16-ամյա Հոլի Մաքիս անունով մի աղջիկ, և հետաքննիչ Սթիվեն Մորանին տալիս հայտարարությունների տախտակից պոկած լուսանկարը, որի վրա կտրտած թղթերով գրված էր՝ «Ես գիտեմ՝ ով է նրան սպանել»:

Սթիվենը երկար տարիներ էր սպասել այս պահին: Վերջապես նրան հնարավորություն էր ընձեռվել վերջապես բացահայտել գործն ու ընդունվել Դուբլինի ոստիկանության սպանությունների բաժին: Նույն բաժնի աշխատակից Անտուանետա Քովեի հետ նա միանգամից ուևորվում է Սուրբ Քիլդայի դպրոց, որպեսզի հասկանա թե ինչ է այնտեղ կատարվել: Նրանք պատկերացում անգամ չունեին, որ հայտնվելու են «իշամեղուների բնում», որտեղ բարի, համեստ ու խելացի թվացող աղջիկներն՝ իրականում ավելի վտանգավոր են, քան սերիական մարդասպանները:

Թանա Ֆրենչի նոր քրեական դետեկտիվը հոգեբանական մեծ վեպ է՝ մասնավոր դպրոցի թաքուն ու առեղծվածային աշխարհի մասին: Աննա Ֆրենչին անվանում են «Իռլանդական գրականության Դոննա Տարտ»:

 

Ավետիս Հարությունյան

ԲԵՍԹՍԵԼԼԵՐ

1 ռեվյու՝ «Գաղտնավայր» գրքի համար

  1. Rated 4 out of 5

    A.A.

    Թանա Ֆրենչը համաշխարհային դետեկտիվի նոր ծագող աստղն է, որը գրում է, թե ինչպես են բացահայտում հանցագործությունները Իռլանդիայում: Ընդ որում, նրա հերոսները դա անում են հին, բարի` հարցաքննությունների մեթոդներով:

    Դուբլինի հարևանությամբ աղջիկների էլիտար դպրոցի բակում մի օր հայտնվում է մի դեռահաս տղայի սպանված դի: Ոստիկանությունն այդպես էլ չի գտնում հանցագործին: Մեկ տարի անց, աշակերտական հայտարարությունների հատուկ պատին, որը կոչում են «Գաղտնի վայր», հայտնվում է տղայի լուսանկարը և գրություն` «Ես գիտեմ, թե ինձ ով է սպանել»: Այդ պահից սկսած իրադարձությունները զարգանում են անհավանական արագությամբ:

    Այս գիրքը ոչ միայն սպանության մասին է: Այն նաև ժամանակակից սերնդի, փակ տարածությունների, մեծերի ու դեռահասների: Այն որոշ իմաստով համեմատում են Դոննա Տարտի «Գաղտնի պատմության» հետ: Թեև պետք է նկատել, որ Տարտի մոտ հերոսներն ուսանողներ էին և հետո, Տարտը, իր հիմնական պատմությունն օգտագործում էր որպես ֆոն` ավելի գլխավորի մասին խոսելու համար:

    Ամեն դեպքում, Թանա Ֆրենչի գիրքը պակաս վատը չէ: Այն համոզիչ հերոսներով, պինդ սյուժեով դետեկտիվ է` աղջկական երևակայության, զգայունության և ի վերջո խելագարության մասին:

Ավելացնել ռեվյու

Your email address will not be published. Required fields are marked *

Օրիգինալ անունը

The Secret Place

ISBN

978-5-86471-799-8

Գրական մրցանակներ

Anthony Award Nominee for Best Novel (2015),
Strand Critics Award Nominee for Best Novel (2014),
Goodreads Choice Award Nominee for Mystery & Thriller (2014)

Հրատարակության տարի

2018

Էջերի քանակը

573

Հեղինակ

Թանա Ֆրենչ

Հրատարակիչ

Ֆանտոմ Պռես

Սերիա

ԳՐՔԵՐ