Շապիկի դարձերես
Թերթել

Բրուքլին

Rated 5.00 out of 5 based on 1 customer rating
(1 customer review)

Աչք ծակող գեղեցկություն, Իռլանդիայի խուլ գյուղերից` մինչև լուսավոր Բրուքլին: Քոլմ Թոյբինի 6-րդ վեպը 50-ականների Իռլանդիայի ու Բրուքլինի մասին է: Երիտասարդ աղջիկը կտրում-անցնում է օվկիանոսը` երջանիկ կյանք գտնելու հույսով: Բրուքլինում ապրող իռլանդացի քահանան աղջկան առաջարկում է լքել գյուղն ու մեկնել Բրուքլին, որտեղ կյանքը եռում է: Էյլիսը հիվանդ մորն ու քրոջը թողնում է միայնակ ու գնում բարեկեցիկ կյանք որոնելու:

Էյլիսն աշխատանք է գտնում և այն, ինչի մասին մտքով չէր էլ անցնի. սիրահարվում է: Խարտյաշ իտալացին միանգամից գրավում է գյուղացի աղջկա սիրտը: Որոշ ժամանակ անց Թոնին Էյլիսին հրավիրում է իր տուն ու ծանոթացնում ընտանիքի հետ: Թվում է` Էյլիսը գտնում է իր երջանկությունը` սիրելի ամուսին, աշխատանք, շքեղ տուն, սակայն ինչպես միշտ` հայտնվում է ինչ-որ բան, որն ամեն ինչ փչացնում է:

Թոյբինի էմոցիոնալ հերոսներն ու իրադարձությունների անսպասելի շրջադարձերը ընթերցողին կստիպեն մի պահ տեղափոխվել Իռլանդիա ու Էյլիսի հետ քայլ առ քայլ վերապրել կատարվածը:

Bestseller ռեվյու

Առանց շտապելու և լարվածության Քոլմ Թոյբինը պատմում է մոռացված իռլանդական գյուղում ապրող մի աղջկա մասին, որի կյանքում անցյալն ու ապագան անհավասար պատերազմների մեջ են: Առաջին հայացքից հասարակ թվացող հերոսուհին՝ երիտասարդ Էյլիսը, առաջին անգամ դուրս է գալիս հարազատ գյուղից ու հայտնվում մեկ այլ աշխարհում:

50-ականներ. երիտասարդ Էյլիսը ապրում է Իռլանդիայի անշունչ ու աշխարհից կտրված գյուղում, որտեղ ոչ աշխատանք կա, ոչ մարդ և ոչ էլ որևէ զբաղմունք։ Չնայած այս ամենին, Էյլիսը երջանիկ է ու չի պատրաստվում լքել հարազատ գյուղն ու ընտանիքը: Հորը կորցնելուց հետո եղբայրները մեկնեցին Անգլիա՝ բարեկեցիկ կյանք փնտրելու, ու այդպես էլ չվերադարձան: Ձանձրալի գյուղական առօրյան փոխվում է, երբ մի օր երիտասարդ աղջիկը սիրելի գյուղից մեկնելու առաջարկ է ստանում։ Կանգնելով երկընտրանքի առջև՝ մի կողմից մայրն ու քույրը` մյուս կողմում երազանքները, աղջիկը որոշում է բաց չթողնել հնարավորությունը և օգտվել կյանքը նորից սկսելու հնարավորությունից։

Գյուղից հեռու Էյլիսին սպասում է ժամանակակից նոր աշխարհ, ուր գնացողները` ճաշակելով ազատությունն ու հսկա քաղաքների գրավչությունը, չեն վերադառնում։ Լավ աշխատանք, տուն` քաղաքի կենտրոնում , ամերիկյան երազանք. մի խոսքով՝ Բրուքլին։ Իռլանդական խուլ գյուղերից հետո աղջիկը հայտնվում է ամենաաղմկոտ քաղաքներից մեկում։ Կարճ ժամանակում հարմարվում է քաղաքին, բնակարան է վարձում և սկսում աշխատել: Էյլիսը մոռանում է սիրելի գյուղը, ընտանիքն ու առհասարակ Իռլանդիան։ Վայելելով ամերիկյան երազանքը, հսկա մոլերը, ընդարձակ փողոցներն ու խիտ երթևեկությունը, աղջիկը դառնում է իսկական բրուքլինցի։

Աղջկա կյանքում ամեն ինչ հրաշալի էր, բայց մի օր հանգամանքները ստիպեցին վերադառնալ Իռլանդիա։

Վեպը երկու աշխարհների միջև հայտնված աղջկա մասին է, որը չի կողմնորոշվում, թե որն է ի'ր աշխարհը։ Սեփական ես-ը փնտրելու, կասկածներով ապրելու և անցյալը մոռանալու փորձերից հետո Էյլիսը հայտնվում է անցյալի ու ապագայի խաչմերուկում: Վերադառնալ Իռլանդի՞ա, թե՞ մնալ Բրուքլինում:

Ամեն ինչ ծանր ու թեթև անելուց հետո աղջիկը շարունակում է սխալվել` վիրավորելով մտերիմներին: Դուրս գալով ավանդական աղջկա կերպարից, Էյլիսը դառնում է թեթևամիտ ամերիկացի. չամուսնանա՞նք` ամուսնանանք, գնանք լիցքաթափվելո՞ւ` վատ միտք չէ: Վեպն ընթերցելիս ընթերցողը կմտածի` նա այդքան սխալներից դասեր քաղե՞ց, թե՞ ոչ:

«Բրուքլին»-ը հասարակ իռլանդացի աղջկա մասին է, որի կյանքում շրջադարձային փոփոխությունները հեղինակը նկարագրում է առանց հանելուկների: Քոլմը գրել է մարդու միայնության, դժբախտությունների ու երջանկության անցողիկության մասին:

 

ԲԵՍԹՍԵԼԼԵՐ
bestseller.am

1 ռեվյու՝ «Բրուքլին» գրքի համար

  1. Rated 5 out of 5

    Մրի

    Mmmm

Ավելացնել ռեվյու

Your email address will not be published. Required fields are marked *

Օրիգինալ անունը

Brooklyn

ISBN

978-5-86471-722-6

Գրական մրցանակներ

Man Booker Prize Nominee for Longlist (2009)
Costa Book Award for Novel (2009)
Goodreads Choice Award Nominee for Fiction (2009)
International DUBLIN Literary Award Nominee (2011)

Հրատարակության տարի

2017

Էջերի քանակը

352

Հեղինակ

Քոլմ Թոյբին

Հրատարակիչ

Ֆանտոմ Պռես

Սերիա

ԳՐՔԵՐ