Շապիկի դարձերես
Թերթել

Ընդհանուր հայտարար

Rated 5.00 out of 5 based on 1 customer rating
(1 customer review)

Ընդհանուր հայտարար գիրքը Ջասթին Տրյուդոն գրել է 2014 թ․, Կանադայի վարչապետ ընտրվելուց մեկ տարի առաջ և Լիբերալ կուսակցության առաջնորդ ընտրվելուց հետո։ Ներկայացված են նրա մանկության հուշերը, մուտքը քաղաքականություն, առաջին ընտրարշավն ու կուսակցության նախագահ դառնալը։ Ջասթինն ամբողջ կյանքն անցկացրել է հանրային ուշադրության կենտրոնում։ Լինելով Կանադայի ամենահայտնի վարչապետներից մեկի՝ Պիեռ Տրյուդոյի ավագ որդին, ապրել է բոլորի աչքի առաջ, բայց առաջին անգամ է անկեղծորեն պատմում իր կյանքի մանրամասները, որոնք միշտ մնացել են փակ դռների հետևում։

Bestseller ռեվյու

«Այս գիրքը պետք է կարդալ՝ անկախ քաղաքական համակրանքից։ Այն Տրյուդոյին ներկայացնում է որպես խելացի, մտածող, պրակտիկ և, հավանաբար, քաղաքականապես ավելի հասուն մարդու, քան նրա հայրն էր»։

The Tyee


«Չնայած վարչապետի որդի լինելու   «արտոնությանը» և այդ պատճառով հանրային մեծ ուշադրությանը՝ Տրյուդոն ներկայանում է որպես համեստ և հողին կպած մարդ»։

The Sydney Morning Herald


«Ընդհանուր շահի, մի հայտարարի գալու և երկիրը միասին կառուցելու մղումով այս գիրքը բացառիկ ակտուալ է Թրամփի և ամբողջ Եվրոպայում ազգայնականների
հաղթանակի ֆոնին»։

Irish Examiner


«Քաղաքական գրականության գերազանց օրինակ. սկսում ես խորությամբ ճանաչել Տրյուդոյին և այն քաղաքական միջավայրը, որում նա հայտնվել է»:

The Globe & Mail

1 ռեվյու՝ «Ընդհանուր հայտարար» գրքի համար

  1. Rated 5 out of 5

    A.A

    Ջասթին Տրյուդոյի գիրքը սկսվում է իր մանկությունից և ավարտվում ըստ էության այն տեղում, որտեղից հետո նա դառնալու էր Կանադայի վարչապետ։ Սա առաջին դեմքով գրված կենսագրական է, որտեղ Տրյուդոն փորձել է հնարավորինս անկեղծ պատմել իր մասին։ Նա չի էլ թաքցնում, որ չի ունեցել սովորական մանկություն. ինչպե՞ս կարող էր ունենալ, երբ հայրը Կանադայի ամենաերկարակյաց վարչապետերից մեկն էր, չի էլ թաքցնում, որ կենցաղային խնդիրներ չի ունեցել, բայց չի էլ հպարտանում դրանով։ Փոխարենը նա փորձում է ցույց տալ, որ իր համար էլ, դժվար է եղել կողմնորոշվել աշխատանքի հարցում, մասնագիտության ընտրության, մարդկանց հետ շփումներում։

    Տրյուդոն մանրամասն պատմում է նաև իրենց ընտանեկան ողբերգության մասին։ Նրա կրտսեր եղբայրը մահացել է լեռներում՝ դահուկ քշելու ժամանակ։ Մարմինն այդպես էլ չեն գտել։ Դրանից հետո Ջասթինը խոսում է քաղաքական առաջին քայլերի մասին, առաջին պարտության, առաջին դիմադրության, առաջին սխալների։

    Գոնե ինձ համար չափազանց հետաքրքիր էր գրքի վերջին մեկ երրորդը։ Այդտեղ Ձասթինը պատմում է, որ հերթական խորհրդարանական ընտրություններից հետո ըստ էության կուսակցության առաջ կանգնում է մեկ հարց. ի՞նչ անել. փակվել, թե շարունակել։ Ու չափազանց հետաքրքիր է այդ առումով հենց Տրյուդոյի կարծիքը։

    Եթե ցանկանում եք իմանալ Կանադայի մասին, այդ երկրի քաղաքական ու տնտեսական խնդիրների, ներկայիս վարչապետի անցյալի ու ներկայի մասին, սա չափազանց հարմար ընտրություն է։ Գրքում, առանձին ներկայացված են Տրյուդոյի բացառիկ լուսանկարները՝ ընտանեկան արխիվից։ Իսկ վերջում՝ նրա լավագույն ելույթները, որն առանձին ընթերցանություն է այն մասին, թե ինչպես պետք է խոսի ժամանակակից առաջնորդը։

Ավելացնել ռեվյու

Your email address will not be published. Required fields are marked *

Օրիգինալ անունը

Common Ground

ISBN

798-9939-1-0825-4

Հրատարակության տարի

2018

Էջերի քանակը

428

Հեղինակ

Ջասթին Տրյուդո

Հրատարակիչ

Նյումեգ

Սերիա

ԳՐՔԵՐ